Талаа мониторинги жана үрөн картошкасын өстүрүү боюнча практикалык кеңештер

18–20-июль күндөрү биздин долбоордун адистери TES борборунун «үрөндүк картошканын КНЧ» долбоорунун адистери менен биргеликте Чоң-Алай жана Чүй облустарынын ар түрдүү аймактарында жайгашкан 28 талаага мониторинг жүргүзүштү. Иш-чарага кооперативдин 18 мүчөсү катышты.

Жалпысынан 28 талаа текшерилип, кооперативдин 18 мүчөсү төмөнкү участоктордо катышышты: Жар-Башы (огороддордо), Батучий, Жал, Чапкын-Тийбес, участок 76, Чеч-Тобо, Кен-Кокту, Кыдырша-Арык, Бахмур жана Көк-Жар.

Мониторинг учурунда адистер өсүмдүктөрдүн өсүшүн баалап, зыянкечтерди жана ооруларды аныктап, дыйкандар менен талаадагы иштер боюнча кеңешишти. Орточо өнүп чыгуу 90–95%ды түзүп, өсүмдүктөр бутоолонуу жана гүлдөө фазасында экендиги белгиленди. Жалпы абалы жакшы деп бааланды.

Бирок сугаруу системасында айрым көйгөйлөр табылды: айрым талааларда сугат арыктары узун болуп, төмөнкү бөлүгүндө суу топтолуп калган. Дыйкандарга арыктарды бөлүп, ашыкча сууну чыгаруу сунушталды. Ошол эле учурда бир нече дыйкандардын полиэтилен түтүктөрүн колдонгону жакшы тажрыйба катары белгиленди — бул технология сууну туура бөлүштүрүп, топурактын жууп кетишин алдын алат.

Ошондой эле талааларда колорадо коңузу жана каптал курттун личинкалары кездешти. Дыйкандар зыянкечтерге каршы дрондорду колдонуп, жакшы натыйжага жетишти. Вирустук оорулардын алдын алуу үчүн талааларга суу тузактары орнотулду.

«Лонтрел» гербициди осотко каршы натыйжасыз болуп чыкты жана картошканын жалбырактарында терс таасир берди. Ошондуктан жаңы чечимдерди издөө улантылат.

Жыйынтыгында, талаалардын абалы жакшы деп бааланып, олуттуу фитосанитардык коркунучтар байкалган жок. Дыйкандарга сугаруу, өсүмдүктөрдү багуу жана зыянкечтерге каршы күрөшүү боюнча практикалык сунуштар берилди.