Фермерлердин потенциалын өнүктүрүү: Чоң-Алайда үрөндүк картофель өстүрүү боюнча тренинг
2025-жылдын 21-апрелинде «Кошумча нарк чынжырчалары» долбоорунун алкагында «Үрөндүк картофель өстүрүү агротехникалары» боюнча окутуулар ийгиликтүү өткөрүлдү. Окутуу «TES Центр» өнөктөш консультациялык компаниясы менен биргеликте Проекттин эксперттери тарабынан өткөрүлдү жана ага 12 катышуучу катышты.
Иш-чаранын программасы алдын ала түзүлүп, үрөн өндүрүүнүн негизги багыттарын камтыды. Катышуучуларга супер-элита үрөндүн өзгөчөлүктөрү, өстүрүү шарттары жана үрөн материалына туура мамиле кылуунун мааниси жөнүндө толук маалымат берилди. Кыргызстандагы үрөн өндүрүү түрлөрү, айрыкча репродуктивдүү үрөн өндүрүү каралды, ошондой эле супер-суперэлита жана супер-элита үрөндөрүн өстүрүү менен элита үрөн өндүрүүнү киргизүү боюнча жаңы кадамдар талкууланды.
Эксперт долбоордун максаттары, милдеттери жана күтүлгөн жыйынтыктар тууралуу тааныштырды, бул фермерлер арасында активдүү катышуу жана оң пикирлерди жаратты. Тренингде топурактын плодороддулугун сактоо, үрөн сапатын жогорулатуу жана зыянкечтер менен ооруларга каршы күрөшүү үчүн эгин алмаштыруу системасы кеңири каралды.
Ошондой эле супер-суперэлита үрөнүн экинчилик репродукцияга көбөйтүү үчүн 72 гектар жалпы аянтта эгин алмаштыруу менен керектелүүчү жердин көлөмү эсептелди. Бул маселе, өзгөчө Чоң-Алай районунун жер үлүштөрүн эске алуу менен, катышуучулар арасында талкуу жаратты. Кооператив үчүн эгин алмаштыруу үчүн жетиштүү жер табуу көйгөйү бойдон калууда.
Мындан сырткары, катышуучулар өткөн жылы Голландия адистеринен алынган сунуштарды талкуулашты, аларга төмөнкүлөр кирет:
- үрөндү отургузуудан мурун чума чайкоо;
- отургузуунун тереңдигин азайтуу;
- тамчылатып сугаруу системасын колдонуу;
- өсүмдүктөрдү оорулардан коргоо үчүн фосфитти колдонуу;
- топуракты дезинфекциялоо.
Талкуунун негизинде жаңы технологияларды колдонуп демонстрациялык эксперименттерди өткөрүү чечими кабыл алынды:
- диаммофоска жер семирткичин колдонуу;
- отургузуунун тереңдигин азайтуу;
- жалбырак менен азыктандыруу;
- жаңы гербициддерди колдонуу.
Тренингдин жыйынтыктары:
- Катышуучулар үрөндүк картофель агротехникасы боюнча жаңы билим алды;
- Голландия адистеринин сунуштарына негизделген талаа эксперименттерин өткөрүү чечими кабыл алынды;
- жер семирткичтерди колдонуу схемасы жана супер-суперэлита үрөн өстүрүү боюнча технологиялык карта иштелип чыкты;
- фермерлер өз талааларындагы көйгөйлөрдү чечүү боюнча практикалык кеңештерди алышты;
- топурактын лабораториялык анализин жүргүзүү чечими кабыл алынды.
Бул окутуулар «Кошумча нарк чынжырчаларын агро каржылоо» долбоорунун алкагында өткөрүлдү.